Вопрос-ответ Задать вопрос

Бу энэр үс нэhилиэктэр 1 Күүлэт нэьилиэгинэн ааhабыт, онно заправочнай пункт арыллара буоллар Булууттэн канистраннан тастыа суох этилэр. Сэрэгэ да бэрт.

(Вопрос поступил: 2017-05-31 16:37)

       2015 сылтан саҕалаан ыраах уонна суола суох бөһүөлэктэри тарированнай нефтепродуктанан хааччыйар туhунан Саха Правительствота быhаарыы ылыммыта. АЗС тутуута элбэх үбү ирдиир (АЗС оборудованиетын атыылаһыы, онорон таһаарыы, тутуллар миэстэтигэр тиэрдээһин, тутуллар сирин бэлэмнээһин, тутуу матарыйаалларынан хааччыйыы, тутуу үлэтин ыытыы, уот уонна оттук ситимигэр холбонуу) уопсайа 30-50 мел. солк. тэҥнэһэр. АЗС хааччыйыыга сылга уопсайа 4,7 мөл. солк ороскуоттанар. Манна киирэллэр: нефтепродуктаны АЗС-ка дылы тириэрдии, уот уонна оттук оросхуоттара, Саха Өрөспүүбүлүкэтин сыанаҕа политикатын комитета бигэргэппит надбавката. Бу оросхуоту саптынарга АЗС сыллааҕы нефтепродуктаны атыылааhына 400 тоннаттан кыра буолуо суохтаах. Бу сүрүн усулуобуйа тутуһуллар түмүгэр АЗС тутуутун рентабельнаһын ааҕан көрөн баран АЗС тутуутун саҕалыахха сөп. Бүгүннү түгэҥҥэ 1 Күүлэт нэһилиэгэр АЗС тутуута рентабельнайа суоҕунан сибээстээн, бу эҥэр сытар бөһүөлэктэр тарированнай нефтепродуктанан хааччыллыахтарын сөп. Тарированнай нефтепродуктанан АО «Саханефтегазсбыт» тэрилтэ хааччыйар. АО «Саханефтегазсбыт» нэьилиэк дьаһалтата сайаапка биэрдэҕинэ, нефтепродуктаны бөһүөлэккэ дылы тириэрдиэн сөп.

       Тарированнай нефтепродукта сайаапканнан бэриллэр, ол курдук:

       1. Нэhилиэк дьаһалтата нэһилиэнньэҕэ сылга төһө нефтепродукта тийиэхтээҕин учуоттаан туран сайаапкатын оноруохтаах уонна АО «Саханефтегазсбыт» аатыгар ыытыахтаах.

       2. АО «Саханефтегазсбыт» дьаhалтаттан киирбит сайаапкалары, тарированнай нефтепродуктаны оҥорон таһаарар линия кыамтатын учуоттаан туран нэһилиэккэ тиэрдиллиэхтээх былааны ылынар. Бу ылыллыбыт былааннарын АО «Саханефтегазсбыт» тустаах Саха Өрөспүүбүлүкэтин нэһилиэнньэтин олоҕор-дьаьаҕар куттал суох буолуутун хааччыйар судаарстыбаннай кэмитиэткэ бигэргэтэр.

       3. Бигэргэтиллибит тарированнай нефтепродуктаны нэһилиэктэргэ тириэрдии навигацияннан уонна массыынаннан кыһыҥҥы суолунан оҥоһуллар.

       4. Атыылааччы Оператор тарированнай нефтепродуктаны нэһилиэнньэҕэ АЗС сыанатынан атыылыыр.

(На вопрос ответили: 2017-05-31 16:37)